സിനിമയിലേക്കുള്ള കാസ്റ്റിംഗിന്റെ പേരില്‍ നിരവധി തട്ടിപ്പുകളാണ് അരങ്ങേറുന്നത്. പണം തട്ടലും ലൈംഗിക ചൂഷണവുമുള്‍പ്പെടെയുള്ളവ ഇതിന്റെ ബാക്കിപത്രങ്ങളാണ്.
ഇത്തരത്തിലുള്ള വ്യാജ കാസ്റ്റിംഗിനെതിരേ ബോധവല്‍ക്കരണവുമായി ഫെഫ്ക രംഗത്തെത്തയിരിക്കുകയാണ് ഇപ്പോള്‍.
ഹ്രസ്വചിത്രത്തിലൂടെ ബോധവത്കരണം നടത്തുകയാണ് ഫെഫ്ക. അന്ന ബെന്‍ കേന്ദ്ര കഥാപാത്രമായി എത്തിയ ഹ്രസ്വചിത്രം സംവിധാനം ചെയ്തത് ജോമോന്‍ ടി ജോണ്‍ ആണ്.
മോഹന്‍ലാലിന്റെ ശബ്ദത്തിന്റെ അകമ്പടിയോടെയാണ് ചിത്രം തുടങ്ങുന്നത്. ഫെഫ്കയുടെ യൂ ട്യൂബ് ചാനലിലൂടെയാണ് ഈ ഹ്രസ്വചിത്രം റിലീസ് ചെയ്തത്.
ഫെഫ്ക ജനറല്‍ സെക്രട്ടറി ബി. ഉണ്ണിക്കൃഷ്ണനാണ് ഈ വീഡിയോ സംബന്ധിച്ചുള്ള വിവരങ്ങള്‍ വെളിപ്പെടുത്തിയത്.
